Próf til viðurkennds bókara

Próf til viðurkennds bókara verður á komandi hausti 2024. Prófamiðstöð Íslands mun styðjast við núverandi prófefnislýsingu, svipað skipulag og samskonar framkvæmd og verið hefur.

Nánar
Spurt & svarað

Próf til viðurkennds bókara verða haldin hjá Prófamiðstöð Íslands á komandi hausti 2024. Í fyrstu verður stuðst við núverandi prófefnislýsingu sem prófnefnd á vegum Menningar- og viðskiptaráðuneytisins studdist við.  Skipulag og framkvæmd prófanna verður áfram með svipuðu sniði.

Það verða áfram eftirfarandi þrjú próf:

  1. (1) Próf í reikningshaldi og upplýsingatækni;
  2. (2) Próf í skattskilum og
  3. (3) Raunhæft verkefni úr bæði reikningshaldi og skattskilum.


Áfram verður boðið upp á upptökupróf eftir áramót (jan/feb 2025) eins og verið hefur. Prófamiðstöð Íslands býður þeim sem enn eiga eftir að klára eitt eða tvö próf að gera það innan þriggja ára reglunnar og eiga þannig kost á að öðlast fullgilda viðurkenningu frá Prófamiðstöð Íslands. Það verður gert í samstarfi við ráðuneytið og fráfarandi prófnefnd.

Prófin verða haldin eftirtalda daga:

  • Prófhluti 1 verður miðvikudginn 9. október, 13.00-16.00
  • Prófhluti 2 verður miðvikudaginn 20. nóvember, 13.00-16.00
  • Prófhluti 3 verður miðvikudaginn 11. desember, 10.00-15.00

Þegar hefur verið opnað fyrir skráningu.

Fulltrúar Prófamiðstöðvar hafa átt gott og jákvætt samtal við helstu hagaðila um yfirfærslu frá ráðuneytinu og fundið mikinn stuðning. 

Fulltrúar prófamiðstöðvar munu skipa prófnefnd, sambærilegri þeirri sem formlega lauk störfum 1. apríl 2024 skv. lögum. Prófnefnd verður skipuð fjórum fulltrúum. Formaður prófnefndar verður óháður sérfræðingur til að tryggja hlutleysi og faglega úrlausn álitamála.

Prófamiðstöð Íslands ætlar að vinna markvisst í samstarfi við flesta hagaðila að áframhaldandi þróun prófanna (þ.e. prófefnislýsingu og framkvæmd) til að tryggja að þau séu í takt við þróun og þarfir markaðarins á hverjum tíma. Það er fátt mikilvægara en að halda áfram að auka verðgildi viðurkenningarinnar á atvinnumarkaði.

Í haust 2024 gerum við ráð fyrir að fylgja núverandi prófefnislýsingu fyrir próf til viðurkenningar bókara. 

Sækja prófefnislýsingu

Spurt og svarað

Prófamiðstöð Íslands mun gefa út skírteini til þeirra sem ná prófum til viðurkenningar bókara.  Þeir sem ná prófunum munu því verða viðurkenndir bókarar frá Prófamiðstöð Íslands

Í fyrstu mun prófefnislýsingin ekki taka breytingum að neinu marki og því eðlilegt framhald af því sem búið er verið að prófa í  síðustu árin.  
Það verða áfram eftirfarandi þrjú próf í sömu röð og verið hefur:  (1) Próf í reikningshaldi og upplýsingatækni; (2) Próf í skattskilum og (3) Raunhæft verkefni úr bæði reikningshaldi og skattskilum.  
Markmið Prófamiðstöðvar Íslands er að halda áfram að bæta alla framkvæmd við prófin og bæta og þróa prófefnislýsinguna til samræmis við þróun og þarfir markaðarins hverju sinni.

Prófamiðstöðin mun starfrækja prófanefnd sem verður skipuð fjórum einstaklingum. Hlutverk hennar er að tryggja gæði og þróun prófanna í takt við þarfir markaðarins hverju sinni. Þar undir fellur prófagerð, framkvæmd, endurgjöf og veiting viðurkenninga.  

Prófin verða haldin eftirfarandi daga:

– Prófhluti 1 – miðvikudaginn 9. október

– Prófhluti 2 – miðvikudaginn 20. nóvember

 – Prófhluti 3 – miðvikudaginn 11. desember

Hvert próf mun kosta 47.500kr. Til að eiga próftökurétt í sjúkra- og upptökupróf þarf próftaki að hafa greitt fyrir aðalpróf. Sjúkra- og upptökupróf kosta einnig 47.500kr.

Prófamiðstöð Íslands býður þeim sem enn eiga eftir að klára eitt eða tvö próf að gera það innan þriggja ára reglunnar og þannig öðlast fullgilda viðurkenningu frá Prófamiðstöð Íslands. Það verður gert í samstarfi við ráðuneytið og fráfarandi prófanefnd.